2007年12月28日星期五

雪的體驗 - 北海道(1)



人生中第一次雪的體驗是在日本的北海道. 由香港直飛札幌千歲空港, 當接近北海道海岸線時, 見到係黑褐色樹木及房屋, 好多煙囪有白色既蒸汽噴出, 可能係供應暖氣既鍋爐產生的. 同我想像中白色為主景象有好大分別. 第一印象不太好. ^^



這幾篇記錄了2005年2月農曆新年時, steve在北海道客旅生活. 唔想寫遊記, 因為網上的北海道遊記實在太多了. 這裡不會有太多相片, 感覺上blogger.com不太適宜放相片.


揀新年去北海道是理由係那段時間又濕又凍? 當然唔係啦.^^ 主要係想看雪, 農曆新年通常會落雪, 落雪提供了大量既冰雕材料, 這可能係札幌雪祭在農曆新年舉行既其中一個原因. 我既另一目的係睇雪祭. 新年旺季唔想辛苦, 煩住宿/交通及搵食. 跟團係最佳選擇.


小樽運河係景點之一, 早上去到巳鋪滿白雪. 運河邊真係有一排排既倉庫. 還有運河旁小路既古典煤氣燈.





早上9點幾運河旁既小路巳經好熱鬧, 相信遊客佔大多數, 散佈在周圍影相. 當然路面還有薄薄積雪, 大部分昨夜既積雪巳被當地人鏟上路邊. 路邊有些綠色既大箱 :

原來係用來裝一包包防滑砂既. 不過沒有英文或者其他外國文字標示. 如果遊客見到, 都唔知係什麼東西及如何使用. ^^

沒有教你如何使用既取扱說明書, 相信使用對象係當地人. 我估計應該係溶雪時, 路面非常濕滑. 如果在運河邊行走, 非常危險, 如果不小心滑倒, 有機會跌落運河. 所以預備防滑砂, 在非常場合, 取包出來撤上路面防滑用. 這點意味著日本人係非常細心及注重生活小節. 但只適用於識日文既人, 唔識日文既外國遊客真係一頭霧水.

上面有細字寫著: 取出後不可用作其他用途. 自己八卦, 真係想知防滑砂有什麼其他用途. ^^

下篇繼續 ...雪的體驗 - 北海道(2)

2007年12月24日星期一

賞味日期



不久之前在吳教授寫的<知日部屋>中看到一篇 "互聯網與食物安全"有講過日本食物的賞味日期. 自己感到幾特別, 在這裡寫下我的感覺.

加工後或未加工的食物放在市場出售總會有個新鮮的標準, 這標準通常以時間來measure. 我們在香港買食物總會看它的標籤, 除了ingredients, 另一個重要的標準係食用日期"此日期最佳" 或者係英文既"best before". 如果係加工食品, 通常有個生產日期, 英文的"manufacturing date" 再加上 1年或其他有效既expiry date. 香港人普遍既共識係過期食物, 那怕係過一日, 食物既品質巳沒有保證, 可能變壞, 食後影響健康要回收退貨, 不能賣...

最近整理家中雜物時發現了一張日本雞蛋食物標籤, 這應該係我在辰野時買雞蛋特地保留下的. 這雞蛋係松本市今井出產的, 標籤除了有雞蛋既重量size外, 還有賞味日期是2002年既 8月29日.
我想想分享既係賞味日期既定義與香港是有顯著分別的. 雞蛋的賞味日期在日本的定義係很模糊. 食物在過了賞味期只係不好食,但仍然可以食.
雞蛋在賞味日期係可以生食既. 但過了賞味日期就不能生食了. 但仍然可以食用, 不過要先加熱10分鐘. 模糊的食用期定義好處係不會浪費食物, 辰野的超市有時可能會以低價販賣"過期或只過期幾天既食物", 我也光顧過這類食物. 可能係他們對食物既品質係滿有信心的.就算過期, 仍可食用. ^^

2007年12月19日星期三

辰野販賣店的領取証/書



在辰野光顧便利店CIRCLE K最多. 7-11在當地只有少數分店. ^^

STEVE常光顧既販賣店排名 :
(1) サ一クルK-OK便利店
(2) 西友SEIYU
(3) SATY
(4) 吉之島JUSCO
(5) Peacock(Jusco)
(6) カタクラ

購物收據叫領取書或領取証, 每次買完都會打印一張收據給你. 住完宿舍埋單都有張收據既. 這可能係一個記錄作為向政府交消費稅既依據.
上面印有貨品名, 原價, 5%既消費稅, 合計幾多錢. "預"係你總共付幾多錢. "釣"就係找贖幾多錢給你.
通常以片假名打印. 日本早期既電腦系統所用日文通通以簡單既片假名字母儲存, 好似巳編入JIS 標準內. 所以LCD DISPLAY MODULE, 小型PRINTER 打印片假名最方便. POS 系統照樣移植最簡單. ^^
我覺得最唔公平就係交多 5% 消費稅, 因為交左稅但係無享受到福利. 雖然身為外國人都唔例外. 只有少數專做遊客生意既公司有得退稅. 不過都係玩數字遊戲, 不如唔好將消費稅LIST出來. 感覺上日本既物價是非常平穩的, 95年至 2002年物價無明顯升跌. 可能日本係巳發展既國家, 經濟增長速度很平穩, 無明顯通貨膨脹. 唔知是否消費稅壓抑了消費意慾?^^
我專登保存了購物領取書, 返香港問過公司原來係無得CLAIM消費稅既. 唔知會唔會有一日, 日本宣佈可以憑領取書退回外國人巳交既消費稅. :p

2007年12月14日星期五

在辰野時使用的電腦(2)


上篇寫了TOSHIBA電腦, 今日又係繼續吹下辰野工場同事最鍾意用既手提電腦-LIBRETTO

除左鍾意用國貨,日本人好鍾意精緻小型既用品. 曾經有段時間, TOSHIBA出左部 LIBRETTO手提極受同事歡迎. 好多同事自己私人買了在公司用. 它是 用INTEL PENTIUM 100MHZ CPU LIBRETTO 50, 16MB, 800MB HARDDISK. 八百幾克重量. SIZE 係210X115X34. 裝日文WIN95, 非常SLIM. 我在辰野雖然不是配備使用這個型號, 但特地借來用過. 感覺上係KEYBOARD細了一點, 打字不方便. 但是對於我用既 2隻手指打字法影響唔大.^^


手提電腦方面, 我一直使用公司配給的電腦, 從來沒有自己購買過. 最近終於自己私人買了部手提電腦, 我的第 1 部私人手提就係華碩ASUS既黑色eeepc. 可能是受以前日本同事影響, 我係鍾意它既小巧精緻. 其次令我印象深刻的係SSD SOLID STATE HARDDISK. 我第一次接觸SSD 係裝在 YAMAHA 實裝機上的1GB SSD 價錢忘記了但係應該是非常貴, WINDOWS NT 操作介面. 它使用SSD的原因是因為實裝機在運作時產生震動, 如果用普通MECHANICAL HARDDISK, 震幾震, 好快玩完.^^


台灣這類產品的開發深受日本的影響. eeepc小巧精緻有libretto既影子, 7" LCD, 900MHz CELERON M, 4GB SSD, 512MB RAM, linux界面, 有web cam 有speaker又有mic. 香港定價HK$2998, 非常吸引, 以前日本同事既libretto 好似要十幾萬丹. 在 如果可以成功佔有日本市場, 可以打破日本人愛用國貨的慣例.


在網上看到很多網友開始改機/upgrade. 改機不外乎加野/換野, 我肯定唔會裝win xp 這些大食怪,反而想試拆野. 玩下在減少資源的環境下維持到它的效能或改良linux希望可以在原有的資源下增強它的效能. 因為eeepc設計時既定位就是sub-notebook, 輕/快/簡單就係賣點. 你加錢upgrade, 不如直接買高檔次notebook 仲好.

就好似以前玩電單車咁. 有些friend用幾萬去改車加補品, 改中缸想將250cc engine upgrade 到350cc. 不如直接買400cc好過. eeepc就好似電單車咁方便加輕及快.

相關文章 : 在辰野時使用的電腦(1)

2007年12月11日星期二

在辰野時使用的電腦(1)



95年時初次去辰野工場時帶一部 NEC monochrome 黑白LCD手提電腦去, 係NEC既 PC9800.^^

NEC PC9800 係 386 IBM compatible pc 使用NEC 自己開發既日文DOS. 可以寫下 BASIC, 用下word editor, 重量約 3~5磅, 係當年係日本最紅既PC. 有2 X 3.5"FDD 無HARDDISK. 好似係 1MB RAM.



日本人鍾意用國貨, 電腦當然不會例外. 當時NEC應該投入大量資源去開發這系列電腦. 使用這款電腦的原因是工場內有好多設備都是用NEC 電腦控制, 有關的程式全在 NEC DOS環境內運作. 有些FDD在IBM PC內讀唔到既. 這樣的安排可以消除歐美大型電腦公司的影響, 特別是電腦技術的操控.
2000年後公司配給普通TOSHIBA手提電腦給香港同事使用. 它使用CELERON M, Windows 界面, 與世界接軌. TOSHIBA手電就好普通不用多講了.^^



2007年12月7日星期五

辰野既交通



信濃地區古時盛產好馬, 但現在好像找不到一間車廠, 也見唔到一匹馬. >.<
辰野町既區內交通以自動車(私家車)為主. 連宿舍阿嬸星期日放假後, 都係抯私家車返工. 車內裝有GPS自動導航系統. 導航地圖幾詳盡及準確, 定期UPDATE, 係駕駛者既好幫手. 其次是電單車都好多同事用來代步既. 不過電單車在冬季/下雪時自然收藏入車庫. 梅雨季節, 經常落雨亦少人使用, 所以輸入香港的日本返新中古電單車雖然年份高,性能良好, 少用都可能係其中原因之一. 宿舍前有個大停車場供寄宿者使用. 工場就有三個停車埸.^^

辰野町有條高速公路穿過 如"中央自動車道",主要道路有"國道153號線",, 在宿舍附近有個入口及收費站及入油站. 這就是點解好多日本同事喜歡用自動車既原因. 太方便了. ^^

但日本始終以鐵路運輸為主, 辰野公路多數係兩條行車線, 路窄多彎. 電車方面就有條飯田線. 火車則有東海道,長野新幹線鐵路.

飯田線時刻表 :

羽場驛一架去天龍峽的電車 :


新樋公路閘口: 在日本生活時, 欄杆放下的過程中, 經常聽到"叮.叮.叮..."感覺非常特別 :

辰野驛:
往新宿的火車有ASAMA號, AZUSA號 :

新宿去岡谷既特急劵 2620丹 :^^


巴士就真係好少見, 當地人自己開車比較多. 只有長途巴例如去名古屋/大坂.

至於我同DAVID平時代步交通工具係自転車(じてんしゃ), "自転車"同"自動車(じどうしゃ)"只係 一個字分別. 但係事實係兩樣不同的東西---自転車係單車, 有人踩就會自己運轉了. ^^

2007年12月4日星期二

辰野町的信州龍溪硯



都係忍不住要吹下水, 寫多篇辰野既特產信州龍溪硯. 信濃地區有長遠的歷史背景, 深厚的文化根基. 有次在辰野町看到令人感動的文具就是磨墨用的石硯. 這文具在大陸當然是平常不過的東西在辰野也有. 有毛筆書法, 有水墨畫的文化就有毛筆及石硯的存在. 這字畫藝術在辰野美術館可以欣賞到的. ^^

和廣東的端溪硯一樣,龍溪硯的原料開採在辰野西面的小橫川, 係在天龍川水系中. 橫川地區盛產石材學名叫"黑雲母粘板岩", 有2億年以上的石齡, 石質緻密,細膩發墨優良. 色彩為青黑色或赤褐色. 除了石硯外, 師傅們可把它雕刻為筆座,紙鎮, 花器,飾石. 昭和62年長野知事指定既傳統工藝品. 今後將繼續發展.


龍溪石水坑是從深海數千米隆起的地層構成 :


優秀的作品:

開採切割 :
雕刻.



相關文章 : 右衽的仮面土偶

圖片版權全屬版權持有人所有 :
龍溪硯振興會事務局
Tel 0266(41)1111
FAX 0266(41) 4651
郵號 399-04
長野縣上伊那郡辰野町中央1番地役場商工林務課內


鳴謝 :
十吾堂硯鋪
五味十吾堂(次男)
TEL.FAX0266(41)0787
辰野町宮木城前2687-1


硯房清泉堂
深澤秀石(秀教)
TEL0266(47)5236
FAX0266(47)5052
辰野町川島渡戶325


翠川堂硯店
翠川希石(架裟美)
TEL.FAX0266(41)3000
辰野町下辰野柳町1682

2007年12月3日星期一

辰野的垃圾收集及管理(3)



寫了兩篇"辰野垃圾", 大家會唔會覺得我對垃圾特別有興趣. 是否有特殊嗜好.^^
其實在未去日本前, 從各種途徑的認知, 日本給我最好的印象是乾淨, 整潔, 無垃圾. 初時到日本的確想了解其中的原因及實際的情況.

走在辰野的街上. 的確係見不到垃圾桶. 在鄉村的小路, 走在田野的阡陌上是乾乾淨淨的. 清澈小河和溪流也沒有膠袋/油跡飄浮. 唯一既污點係有幾日在宿舍去工場的小路上見到幾張從鹹書撕落的紙頁隨風飄揚. 這可能係個別既變態人士作為. 一般人都可能習慣把垃圾帶返屋企倒. 我通常帶個背囊, 有垃圾就塞入背囊帶返去. 食煙既日本同事就鍾意帶個可携式煙灰缸. 煙頭,煙灰都係可能帶返屋企. 當然在節日祭時一定會見到街上有垃圾.節日祭無垃圾係唔好玩既. ^^

低層的掃街工作可能無人願意做或者係低層工作的人力資源短缺, 所以在街上看不到掃街清潔工人. 不放置垃圾桶可能是當地政府的刻意安排. 這樣的話就唔使請清潔工人同垃圾車司機通街倒垃圾, 唔使長時間留垃圾在街上, 造成臭味及細菌滋生問題.

2007年11月30日星期五

[日本生活]的革新

寫了好多篇辰野,大家可能已覺得悶. 前一排,在這裡收集了朋友們的一些意見, 大家都鍾意去日本玩, 也鍾意些熱門的地方如東京, 北海道等. 所以我將會多寫些旅遊篇.


生活是由無數不同的元素組成的, 為了保持這園地活力, 下個月開始, 我將添加多些不同的內容, 令這園地更精彩。^^

2007年11月28日星期三

辰野的垃圾收集及管理(2)



在宿舍住時, 最奇怪係未見過垃圾車來收垃圾. 垃圾房亦無臭味. 係香港未見過無臭味既垃圾房.^^

有日清早5,6點睡不著, 於是去睇睇垃圾房. 垃圾房面積大概有15呎 x10呎. 以鐵絲網作圍牆, 有鐵皮上蓋, 係鎖住既. 即係指定時間外唔可以倒垃圾. 9 成係廢紙, 雜誌最多, 報紙, 漫畫, 書仔... 其次係飲品罐同膠樽, 其他垃圾就真係好少. 見唔到廚餘,唔知收去那裡? 這就係唔臭既原因.^^ 這可能同居住者有關. 住宿舍既 9成9單身, 最鍾意睇雜誌飲汽水.


工場內, 同事的寫字台會掛一個好細既垃圾桶. 扁扁窄窄A5 size 一兩吋厚. 唔知可以裝到多少垃圾?

內部文件使用環保紙反面再用. 飯堂有飲水機免費提供綠茶同熱湯(即是熱水), 使用紙杯裝, 旁邊有圓管裝回收的用過紙杯, 所以不要拿錯, 拿錯就食人口水尾.^^ 希望回收既紙杯唔係洗過再用. :p

箕輪町的 "澤16組" 垃圾站叫 " ごみ收集ステーシヨン" : 垃圾收集station, 下面係個牌, 牌上有管理者個名 : 分為 可燃, 不燃, 粗大, 資源(廢紙類)同資源(飲品罐), 廢紙同金屬罐都係珍貴既資源!

下面有instruction sheet 教你如何分類 :

當然有倒垃圾規則要你嚴守 :

例如 :
(1) 非指定收集日唔倒得. 只可在指定收集日8點前倒垃圾, 收集日前唔倒得.
(2) 使用指定垃圾袋.
(3) 垃圾袋要寫名.
(4) 非"澤16組" 人唔准倒.
(5) 只限家居垃圾, 唔准倒業務垃圾.

下篇再續...辰野的垃圾收集及管理(3)

2007年11月26日星期一

辰野的垃圾收集及管理(1)



最近睇新聞, 見到PK超市之前突然推行的減少使用膠袋的環保行動. 其實, 我都好讚賞這個POLICY. 但係好可惜只推行了幾日就胎死腹中. 今日睇報紙新聞講它巳被取消了. 原因是被人批評質疑買膠袋的錢捐去邊? 又質疑派發所謂可降解膠袋同普通膠袋無分別. 超市怕影響形象. 個人覺得, 這樣反而給人留下不良印象, 這間公司係出爾反爾, 無沒有認真去推動環保, 眼中只有公司利益, 環保行動只係博出位既宣傳技倆.

我覺得環保是一個珍惜物品的社會價值觀, 是要物盡其用, 才能減少廢棄物. 在一個資源充裕的環境下係要好長時間去改變人的觀念. 唔係推一兩個POLICY出來就變環保啦. 反觀日本的社會價值觀是非常適宜推動環保.


垃圾日文叫 ごみ(GOMI). 在辰野時, 要購買垃圾袋使用, 其實是購買垃圾處理費. 多垃圾就付出多點. 幾多錢一個袋就忘記了. ^^ 如果有舊同事看到, 請留言. 垃圾再分類為金屬, 紙木, 可分解/不可分解類. 使用不同的垃圾袋裝載.方便recycle及處理(可能係焚燒). 我初時經常分錯. 每個袋子上還有空格填寫姓名. 可能用來追蹤來源和分析你的垃圾內容同數量. ^^ 不過我好像從未填過. 反而垃圾袋唔夠用時, 半夜偷偷地拿垃圾去食堂倒. ^^ 因為食堂有個比人倒食物溲水的大袋(可分解類).


宿舍垃圾房在地下側邊, 通常鎖著, 沒有傳出臭味. 下面是箕輪町的垃圾站 :

下篇再續... 辰野的垃圾收集及管理(2)

2007年11月24日星期六

辰野荒神山公園



辰野的荒神山公園也是當地旅遊景點之一.^^

荒神山令人印象最深刻的係一架退役的蒸汽火車頭 D5159號. 它是昭和12年8月17號川崎廠制造一直服役到昭和51年6月10號在辰野驛退役解體共服務了39年, 後6月12號放置在荒神山公園供人參觀懷念. 一架火車可以服務39年是保養得非常好, 如果D5159號的車長20歲開始在該車工作而一直做到火車退役的的話, 就是做到59歲, 一齊退休了. 一個59歲老車長可能不想要學新的電氣化火車.^^


荒神山不高, 座落在一條河的旁邊. 距離辰野町和公司宿舍都好近, 那天我們一起踩單車去. 公園內除了有美術館外, 還有水塘及度假屋, 溫泉,酒店. 四周種滿花草樹木. 還有春天時才開的櫻花.好可惜我們八月來時巳錯過花期. 以下是觀光協會的介紹 :


在公園可鳥瞰辰野町及附近的景色 :

2007年11月22日星期四

辰野的美術館




長野縣的古名叫信州. 據說在繩文時代巳有人居住了, 位處中部是兵家必爭之地, 歷史文化遠久. 因此辰野當地人非常注重文化及藝術. 在辰野的荒神山公園建有美術館. 有天放假, 我與 David特地踩單車去荒神山參觀. 篇中有些圖片是從辰野美術館的宣傳單張抽出的. 版權屬版權持有人所有.
如果在飯田線搭電車,可在辰野町站落:

美術館是 3層高的建築物. 座落在公園內環境非常清幽, 周圍景色優美, 鳥語花香, 值得一去. ^^


開放時間是 上午9 :00 ~ 下午 5:00, 休館日係星期一,新年及公眾假期. 入館料係大人300丹, 學生100丹. 展品十分廣泛, 由現代藝術品到古代出土文物都有. 其中鎮館之寶係繩文時代的仮面土偶:

現代藝術品比較普通, 最令人感覺親切是水墨山水畫, 及全漢字毛筆書寫題字, 全部寫或劃在宣紙上同中國古代作品一模一樣. 連一個日文拼音都看不到. 從中看到中國文化對日本影響之深遠!
以下是部分作品 :


相關文章 : 辰野荒神山公園
辰野美術館聯絡方法 :
郵號 :399-0425
長野縣, 上伊那郡辰野町樋口 荒神山公園內
TEL:0266-43-0753 FAX:0266-41-4572
E-MAIL:art-museum@town.tatsuno.nagano.jp

2007年11月21日星期三

想買手信點講啊?




大家去日本玩都想買手信返港送給親朋好友. 日本的食物如果子,茶餅, 帆立貝, 朱古力...包裝精緻, 份量適中. 價錢又唔貴. 去到各大百貨公司購買仲有得試食. 服務態度誠懇:^^

2007年11月19日星期一

是珍惜, 吝嗇/節儉還是拜物(2) ?

延長機器既使用壽命, 除了是珍惜這資產的利用價值外, 也強化維修及使用這機器職位的存在. 95年時有 2台舊實裝機一直由坂下san長期維修及操作, . 後來96年轉移至深圳工場, 坂下san同我一起在深圳培訓及支援大陸同事... 兩年後當我們離去後機器漸漸老化最後報廢. 機器就似被人賦于生命一樣, 成為他的伙伴, 當他離去後, 就沒被珍惜而玩完. 坂下san 調回辰野後,亦沒有再回實裝工場做.

因此, 日本人的維修保養非常認真同仔細. 100%照點檢表schedule做. 保持原裝spare部品充足在庫. 連抹油布都係原廠供應. 用污髒後拿去洗, 洗完再用. 而在香港, 我地就用"威屎", 用完咁係丟入垃圾桶. 就連日本的二手電單車都保養得唔錯. 香港電單車行鍾意入貨叫做"日本返新車"在香港賣.

下面有一架05年在北海道看到的 中古BIKE :^^
不過, 日本公司有時也比較孤寒. 公積金2000年前係未成立的, 到政府立法要供強積金時才有MPF. 裁員時, 聽說有時用 1個月通知, 沒有代通知金.
相關文章

2007年11月15日星期四

是珍惜, 吝嗇/節儉還是拜物(1) ?



在華人社會, 人們常講節儉是一種美德, 日本深受中國文化影響, 更把它發揚光大. 可能是島國沒有多餘資源可以浪費.

日本人非常愛惜他們的機器. 好認真地進行保養及點檢. 記得95年入 O 記做時, 見到一台 1962年出廠的車床. 如果講年齡係老過我了. ^^ 但公司還是不捨得丟. 從日本運過來香港. 打開機殼, 里面還有點檢表. 行AUTO FEED, 調校唔同既馬達轉速仲OK. 仲可以用PITCH FEED TAP口準確既螺絲牙. 最終是我地香港人把它報廢, 送入墳墓.

02年時, 辰野工場購買大型高速實裝機. 當機器送入工場時, 每個人都出來幫手推. 連"大佬"都唔例外. 看來是真心的, 不是只出來做SHOW而已. 這部機器係他們的搵食架生. 可能一直陪伴他們直至退休. 是他們的好伙伴. 日本工場低層次的工種淘汰了. 生產LINE 大多數都自動化, 不再是LABOR INTENSIVE, 是MACHINE INTENSIVE! 個台機可以頂到十幾廿個大陸女工既貼裝能力. 打得又快又準,又唔會出錯. 又唔會罷工. 邊度搵啊. ^^ 所以從這個角度黎睇, 機器能力在某種程度係勝過人了. 係有理由去依賴同"祟拜".

下篇再續...

相關文章

是珍惜, 吝嗇/節儉還是拜物(2) ?

2007年11月14日星期三

辰野Tatsuno(6) 辰野町的圖書館




聽日本同事說辰野也有圖書館.

02年8月13號有d無聊, 於是踩單車去辰野町找圖書館. 辰野圖書館就在SATY附近, 旁邊有條河及橋.比我想像中小. ^^


兩層樓的建築物. 任何人都可以進入, 不用查證, 沒有AV視聽及上網服務. >.<

在辰野很少見到小朋友, 但是圖書館內卻有不少小孩, 好多係爸爸陪著看書. ^^

9成以上的圖書是日文的. 也有少量英文書. 最遺憾是找不到中文書. >.<


後來我去問管理員如何申請借書服務, 他說只有本地人才可外借, 外國人無份, 不知是否我的日文表達能力太差. 還是外國亞洲人不受歡迎. 可能02年時的圖書外借服務只供當地人使用.

下篇再續... 辰野的美術館

2007年11月11日星期日

辰野Tatsuno(5) 休日的生活



當工場放假時, 好多日本同事會暫別寮外出. 因此在飯堂食飯的人少了. 寮阿嬸一般不會幫你煮飯. 如果非常需要在飯堂開飯, 阿嬸就會替你炮製咖哩牛肉飯. ^^ 因為比較省工夫, 煮了白飯,再開咖哩粉加牛肉就係咖哩牛肉飯. 在火車站的便當店, 最平也係3百幾丹既咖哩牛肉飯.

我地通常唔會勞煩阿嬸,自己整或去便利店買便當, 買些鰻魚飯, 或者壽司約3百丹樓下,在飯堂用微波爐叮熱. 下面係經常幫趁的箕輪町 "OK", 圖中單車係我地既.^^

另 一個OPTION係買材料自己整. 由於深圳同事經常到辰野工場見學, 寮二樓開了COMMON ROOM, 內有煮食爐及應有盡有的餐具, 讓中國同事可以自己整合自己口味的食物:

我們有時會幫趁 辰野町的SATY, 它的食物選擇是不少的 :

下面是我和David 協力精心製作--- 一品拉麵 :

下篇再續...辰野Tatsuno(6) 辰野町的圖書館