[日本生活]的革新

寫了好多篇辰野,大家可能已覺得悶. 前一排,在這裡收集了朋友們的一些意見, 大家都鍾意去日本玩, 也鍾意些熱門的地方如東京, 北海道等. 所以我將會多寫些旅遊篇.

生活是由無數不同的元素組成的, 為了保持這園地活力, 下個月開始, 我將添加多些不同的內容, 令這園地更精彩。^^

辰野的垃圾收集及管理(2)

在宿舍住時, 最奇怪係未見過垃圾車來收垃圾. 垃圾房亦無臭味. 係香港未見過無臭味既垃圾房.^^

有日清早5,6點睡不著, 於是去睇睇垃圾房. 垃圾房面積大概有15呎 x10呎. 以鐵絲網作圍牆, 有鐵皮上蓋, 係鎖住既. 即係指定時間外唔可以倒垃圾. 9 成係廢紙, 雜誌最多, 報紙, 漫畫, 書仔... 其次係飲品罐同膠樽, 其他垃圾就真係好少. 見唔到廚餘,唔知收去那裡? 這就係唔臭既原因.^^ 這可能同居住者有關. 住宿舍既 9成9單身, 最鍾意睇雜誌飲汽水.


工場內, 同事的寫字台會掛一個好細既垃圾桶. 扁扁窄窄A5 size 一兩吋厚. 唔知可以裝到多少垃圾?

內部文件使用環保紙反面再用. 飯堂有飲水機免費提供綠茶同熱湯(即是熱水), 使用紙杯裝, 旁邊有圓管裝回收的用過紙杯, 所以不要拿錯, 拿錯就食人口水尾.^^ 希望回收既紙杯唔係洗過再用. :p

箕輪町的 "澤16組" 垃圾站叫 " ごみ收集ステーシヨン" : 垃圾收集station, 下面係個牌, 牌上有管理者個名 : 分為 可燃, 不燃, 粗大, 資源(廢紙類)同資源(飲品罐), 廢紙同金屬罐都係珍貴既資源!

下面有instruction sheet 教你如何分類 :

當然有倒垃圾規則要你嚴守 :

例如 :
(1) 非指定收集日唔倒得. 只可在指定收集日8點前倒垃圾, 收集日前唔倒得.
(2) 使用指定垃圾袋.
(3) 垃圾袋要寫名.
(4) 非"澤16組" 人唔准倒.
(5) 只限家居垃圾, 唔准倒業務垃圾.

下篇再續...辰野的垃圾收集及管理(3)

辰野的垃圾收集及管理(1)

最近睇新聞, 見到PK超市之前突然推行的減少使用膠袋的環保行動. 其實, 我都好讚賞這個POLICY. 但係好可惜只推行了幾日就胎死腹中. 今日睇報紙新聞講它巳被取消了. 原因是被人批評質疑買膠袋的錢捐去邊? 又質疑派發所謂可降解膠袋同普通膠袋無分別. 超市怕影響形象. 個人覺得, 這樣反而給人留下不良印象, 這間公司係出爾反爾, 無沒有認真去推動環保, 眼中只有公司利益, 環保行動只係博出位既宣傳技倆.

我覺得環保是一個珍惜物品的社會價值觀, 是要物盡其用, 才能減少廢棄物. 在一個資源充裕的環境下係要好長時間去改變人的觀念. 唔係推一兩個POLICY出來就變環保啦. 反觀日本的社會價值觀是非常適宜推動環保.

垃圾日文叫 ごみ(GOMI). 在辰野時, 要購買垃圾袋使用, 其實是購買垃圾處理費. 多垃圾就付出多點. 幾多錢一個袋就忘記了. ^^ 如果有舊同事看到, 請留言. 垃圾再分類為金屬, 紙木, 可分解/不可分解類. 使用不同的垃圾袋裝載.方便recycle及處理(可能係焚燒). 我初時經常分錯. 每個袋子上還有空格填寫姓名. 可能用來追蹤來源和分析你的垃圾內容同數量. ^^ 不過我好像從未填過. 反而垃圾袋唔夠用時, 半夜偷偷地拿垃圾去食堂倒. ^^ 因為食堂有個比人倒食物溲水的大袋(可分解類).

宿舍垃圾房在地下側邊, 通常鎖著, 沒有傳出臭味. 下面是箕輪町的垃圾站 :

下篇再續... 辰野的垃圾收集及管理(2)

辰野荒神山公園

辰野的荒神山公園也是當地旅遊景點之一.^^

荒神山令人印象最深刻的係一架退役的蒸汽火車頭 D5159號. 它是昭和12年8月17號川崎廠制造一直服役到昭和51年6月10號在辰野驛退役解體共服務了39年, 後6月12號放置在荒神山公園供人參觀懷念. 一架火車可以服務39年是保養得非常好, 如果D5159號的車長20歲開始在該車工作而一直做到火車退役的的話, 就是做到59歲, 一齊退休了. 一個59歲老車長可能不想要學新的電氣化火車.^^

荒神山不高, 座落在一條河的旁邊. 距離辰野町和公司宿舍都好近, 那天我們一起踩單車去. 公園內除了有美術館外, 還有水塘及度假屋, 溫泉,酒店. 四周種滿花草樹木. 還有春天時才開的櫻花.好可惜我們八月來時巳錯過花期. 以下是觀光協會的介紹 :

http://www.town.tatsuno.nagano.jp/office/sc/0700-kensetsu/k-sakura/index.html

在公園可鳥瞰辰野町及附近的景色 :

辰野的美術館

長野縣的古名叫信州. 據說在繩文時代巳有人居住了, 位處中部是兵家必爭之地, 歷史文化遠久. 因此辰野當地人非常注重文化及藝術. 在辰野的荒神山公園建有美術館. 有天放假, 我與 David特地踩單車去荒神山參觀. 篇中有些圖片是從辰野美術館的宣傳單張抽出的. 版權屬版權持有人所有.

如果在飯田線搭電車,可在辰野町站落:

美術館是 3層高的建築物. 座落在公園內環境非常清幽, 周圍景色優美, 鳥語花香, 值得一去. ^^

開放時間是 上午9 :00 ~ 下午 5:00, 休館日係星期一,新年及公眾假期. 入館料係大人300丹, 學生100丹. 展品十分廣泛, 由現代藝術品到古代出土文物都有. 其中鎮館之寶係繩文時代的仮面土偶:

現代藝術品比較普通, 最令人感覺親切是水墨山水畫, 及全漢字毛筆書寫題字, 全部寫或劃在宣紙上同中國古代作品一模一樣. 連一個日文拼音都看不到. 從中看到中國文化對日本影響之深遠!

以下是部分作品 :

相關文章 : 辰野荒神山公園

辰野美術館聯絡方法 :

郵號 :399-0425

長野縣, 上伊那郡辰野町樋口 荒神山公園內

TEL:0266-43-0753 FAX:0266-41-4572

E-MAIL:art-museum@town.tatsuno.nagano.jp

想買手信點講啊?

大家去日本玩都想買手信返港送給親朋好友. 日本的食物如果子,茶餅, 帆立貝, 朱古力...包裝精緻, 份量適中. 價錢又唔貴. 去到各大百貨公司購買仲有得試食. 服務態度誠懇:^^

是珍惜, 吝嗇/節儉還是拜物(2) ?

延長機器既使用壽命, 除了是珍惜這資產的利用價值外, 也強化維修及使用這機器職位的存在. 95年時有 2台舊實裝機一直由坂下san長期維修及操作, . 後來96年轉移至深圳工場, 坂下san同我一起在深圳培訓及支援大陸同事... 兩年後當我們離去後機器漸漸老化最後報廢. 機器就似被人賦于生命一樣, 成為他的伙伴, 當他離去後, 就沒被珍惜而玩完. 坂下san 調回辰野後,亦沒有再回實裝工場做.

因此, 日本人的維修保養非常認真同仔細. 100%照點檢表schedule做. 保持原裝spare部品充足在庫. 連抹油布都係原廠供應. 用污髒後拿去洗, 洗完再用. 而在香港, 我地就用"威屎", 用完咁係丟入垃圾桶. 就連日本的二手電單車都保養得唔錯. 香港電單車行鍾意入貨叫做"日本返新車"在香港賣.

下面有一架05年在北海道看到的 中古BIKE :^^

不過, 日本公司有時也比較孤寒. 公積金2000年前係未成立的, 到政府立法要供強積金時才有MPF. 裁員時, 聽說有時用 1個月通知, 沒有代通知金.

相關文章

是珍惜, 吝嗇/節儉還是拜物(1) ?

是珍惜, 吝嗇/節儉還是拜物(1) ?

在華人社會, 人們常講節儉是一種美德, 日本深受中國文化影響, 更把它發揚光大. 可能是島國沒有多餘資源可以浪費.

日本人非常愛惜他們的機器. 好認真地進行保養及點檢. 記得95年入 O 記做時, 見到一台 1962年出廠的車床. 如果講年齡係老過我了. ^^ 但公司還是不捨得丟. 從日本運過來香港. 打開機殼, 里面還有點檢表. 行AUTO FEED, 調校唔同既馬達轉速仲OK. 仲可以用PITCH FEED TAP口準確既螺絲牙. 最終是我地香港人把它報廢, 送入墳墓.

02年時, 辰野工場購買大型高速實裝機. 當機器送入工場時, 每個人都出來幫手推. 連"大佬"都唔例外. 看來是真心的, 不是只出來做SHOW而已. 這部機器係他們的搵食架生. 可能一直陪伴他們直至退休. 是他們的好伙伴. 日本工場低層次的工種淘汰了. 生產LINE 大多數都自動化, 不再是LABOR INTENSIVE, 是MACHINE INTENSIVE! 個台機可以頂到十幾廿個大陸女工既貼裝能力. 打得又快又準,又唔會出錯. 又唔會罷工. 邊度搵啊. ^^ 所以從這個角度黎睇, 機器能力在某種程度係勝過人了. 係有理由去依賴同"祟拜".

下篇再續...

相關文章

是珍惜, 吝嗇/節儉還是拜物(2) ?

辰野Tatsuno(6) 辰野町的圖書館

聽日本同事說辰野也有圖書館.

02年8月13號有d無聊, 於是踩單車去辰野町找圖書館. 辰野圖書館就在SATY附近, 旁邊有條河及橋.比我想像中小. ^^

兩層樓的建築物. 任何人都可以進入, 不用查證, 沒有AV視聽及上網服務. >.<

在辰野很少見到小朋友, 但是圖書館內卻有不少小孩, 好多係爸爸陪著看書. ^^

9成以上的圖書是日文的. 也有少量英文書. 最遺憾是找不到中文書. >.<

後來我去問管理員如何申請借書服務, 他說只有本地人才可外借, 外國人無份, 不知是否我的日文表達能力太差. 還是外國亞洲人不受歡迎. 可能02年時的圖書外借服務只供當地人使用.

下篇再續... 辰野的美術館

辰野Tatsuno(5) 休日的生活

當工場放假時, 好多日本同事會暫別寮外出. 因此在飯堂食飯的人少了. 寮阿嬸一般不會幫你煮飯. 如果非常需要在飯堂開飯, 阿嬸就會替你炮製咖哩牛肉飯. ^^ 因為比較省工夫, 煮了白飯,再開咖哩粉加牛肉就係咖哩牛肉飯. 在火車站的便當店, 最平也係3百幾丹既咖哩牛肉飯.

我地通常唔會勞煩阿嬸,自己整或去便利店買便當, 買些鰻魚飯, 或者壽司約3百丹樓下,在飯堂用微波爐叮熱. 下面係經常幫趁的箕輪町 "OK", 圖中單車係我地既.^^

另 一個OPTION係買材料自己整. 由於深圳同事經常到辰野工場見學, 寮二樓開了COMMON ROOM, 內有煮食爐及應有盡有的餐具, 讓中國同事可以自己整合自己口味的食物:

我們有時會幫趁 辰野町的SATY, 它的食物選擇是不少的 :

下面是我和David 協力精心製作--- 一品拉麵 :

下篇再續...辰野Tatsuno(6) 辰野町的圖書館

諏訪湖(Suwa lake)火花祭(2)

成個諏訪湖不是全部放煙花既. ^^ 在靠近車站的一邊圍成一個公園有入口同出口. 入左去巳經係人山人海,左邊有片大草地, 好多人早就入左去霸左個好位 :

見到一個坐輪椅都要入去睇, 可想而知個吸引力真係好大. ^^沿湖邊有條路, 兩旁擺晒 一檔又一檔...賣么都有, 啤酒, 燒鱆魚丸, 綿花糖, 雪糕. 仲有比細路仔玩既遊戲檔, 有撈烏龜,撈魚等等... , 可能係當地人向政府投返黎做既. 真係好似香港既年宵花市, 唔知係學香港呢?^^

最後壓軸好戲當然係放煙花. 公園內太多人, 在車站外睇煙花反而清楚d.

相關文章 : 諏訪湖(Suwa lake)火花祭(1) , 諏訪湖火花祭(3)

諏訪湖(Suwa lake)火花祭(1)

長野縣有豐富的水資源,所以有好多湖泊. 諏訪湖是辰野附近一個著名的景點, 初次到辰野時, 坂下san帶我去參觀過一次. 那次是冬天. 我之前以為在電腦打唔到個"諏"漢字所以用個"趣"代替現巳更改. 諏訪的拼音是"suwa". 盛夏天氣特別好當然要搞個火花祭, 即係在湖上放煙花. ^^

平成14年 8月15號下午天公不做美, 下了小小雨. >.< .

我又搭電車去下諏訪驛. 下午的電車班次巳有特別安排了:

下午諏訪街上巳人山人海. 辰野當地既女仔肯定係穿和服上街 :

下面的圖片又係在辰野觀光協會拿的案內, 介紹得好詳細 :

下篇再續... 諏訪湖(Suwa lake)火花祭(2)

現代城市中的古城-松本城Matsumoto(2)

從松本驛行出黎好快見到指向松本城的指示牌. 路牌這項東西真係扺讚, 日本的路牌清清楚楚白痴都識行. ^^ 下圖是案內:

松本城是一座超過五百年歷史的古城可能德川時代巳存在, 非常似中國古時的古城, 保全得非常好. 城主好像是古時的將軍或大名, 不過不是姓松本的. 詳情可上網查維基. 成座城被護城河圍住. 周圍綠化得非常好. 下面係小弟既代表作^^

護城河真係保存得非常好,非常乾淨. 河內養左大量的錦鯉.
松本城現巳開發成如公園般旅遊景點, 有人力車服務 : ^^旁邊有很多日本神社. 神社都好古舊. 松本給人的印象是傳統文化與現代社會融合得非常好.

請參考以下的link :

http://ja.wikipedia.org/wiki/�本城

現代城市中的古城-松本城Matsumoto(1)

從首次到辰野開始, 不論搭火車, 乘坐同事的私家車也好, 總是見到有指向松本城的路牌. 我終於在02年 8 月中旬的星期日休日,走去松本遊覽一下.

早上從寮出發踩單車到辰野驛買去松本票 570丹.^^

約半個鐘到松本驛. 松本市內除了最著名的松本古城外, 還有現代化的建築, shopping centre, 最大間是無印良品.

有條河流穿過城市. 河床在8 月中旬乾涸了可以讓遊人落去玩.

下篇再續...現代城市中的古城-松本城Matsumoto(2)

辰野的基督教會

辰野只有小量的基督徒, 相信是佛教徒比較多. 有家庭式的小教會, 辰野町有間小教堂. 下圖是小教堂的夜景.

神愛世人，甚至將他的獨生兒子賜給我們，叫一切信他的，不致滅亡，反得永生.

約翰福音 3章 16節