沖繩/岩國米兵閉關反省

網上圖片: 嘉手納基地附近服裝店附近泠清清的街道

今日看新聞有講駐沖繩及岩國米軍基地既人員從今日上午7點半開始被限制不准外出. 要反省及檢討美軍紀律及價值觀. 加強管理防止士兵再次犯案. 我心痕又想吹下水, 發表下謬論.

"朝日新聞"講兩個基地有2萬9千人再加軍人家眷共有5萬5千人. 如果全部限制外出, 對當地經濟肯定有些影響. 受害者可能變成經營飲食, 酒吧, 娛樂場所既當地人. 假設5萬幾人如果有一半出營消費, 最保守估計每人食碗面搭兩程車用 1 千円, 巳經係2千7百50萬円. 如果認真計去酒吧, 娛樂場所既消費更加不只此數. 就好似香港灣仔既情況一樣, 如果中央唔批准美軍艦隊訪港停泊. 灣仔既娛樂場所,酒吧就少一大批生意了.

5萬5人減左2萬9軍人, 應該有 2萬6既家眷, 不過入面應該有米軍聘請supplier, vendor, service provider 既職員. 不過家眷可能仍然佔多數, 家眷除了老婆就係子女, 子女要讀書, 軍佬老婆除左照顧子女之外, 可能無所事事... 她們無盡力去慰藉自己既伴侶, 反而搞到他們出營搞三搞四. ^^
當然, 軍人中可能好多係未結婚, 血氣方剛的小伙子. 要滿足他們的需要只能建立多些合法的"慰安所"了. 但更重要是建立正當/道德的價值觀. 限制外出, 困在基地內始終不是解決方法. ^^

這方面, 香港一直也有外來駐軍, 但係97前的駐港英軍及97後的大陸駐港部隊的管理, 軍紀, 價值觀皆比米軍駐外部隊佳. 真係很少聽聞這類強姦暴行在香港發生.

駐日米兵根據"日米行政協定" 享有特權, 如果犯法被拉, 都要交返給米軍, 由米軍去審. 米軍憲兵有權以基地安全理由出去拉人. 米軍執行任務時造成日本人命, 財物損失唔使賠. 米軍人員家眷及物品/文件入境唔受管制, . 米軍人員交通工具如車船在境內可自由通行, 米國車牌亦受承認. 米軍小賣部亦唔受日本管制. 租借基地唔使比錢, 歸還唔使還原. 那些米兵幾乎無機會亦不用拚命/打仗, 所以駐日米國基地簡直係外來駐軍天堂.

伸延閱讀 :

沖繩的"米"兵強姦事件