Intel廣邀部落客一起愛地球

剛過去的4月22號是地球環保日, 國際上以這天提醒人們要珍惜資源, 保護環境,愛地球. Intel是家對社會責任有承擔的國際大企業, 他們經常搞活動去推廣環保.

地球上的資源有限, 愛地球就要珍惜資源減少浪費, 將用過的物資回收再造是可以避免過度開發地球資源. 日本是個重視環保的巳發展國家, "回收再造"早已成為日常生活的一部分. "回收再造"的日文是 "リサイクル" 即是 英文 RECYCLE的音譯. 它的標誌是由三個箭嘴組成的三角形


日常生活中消耗最多的自然是各種物品的包裝容器. 這些用過的包裝容器大部分是可以 RECYCLE回收再造的, 因此日本的包裝容器全部有回收標誌指出所使用物料的種類, 方便分門別類地進行回收. 我想與大家分享下回收心得.

(1) 紙類的標誌如下, 由於資源短缺,香港的廢紙回收價也開始上升, 最近舊報紙可以賣到HK$1.6/KG, 紙皮就平宜些, 因為通常裡面是滲水的. ^^
廢紙回收都可以放入藍色回收桶內.


(2) 汽水鋁罐是"アルミ缶", 每公斤也超過港幣十塊了, 如果附近有三色桶, 請放入黃色桶內 :
(3) 罐裝飲品除了鋁罐, 還有鐵罐, 不锈鋼罐都可以回收 , 裝它的也是黃色桶 :

(4) 塑膠是從石油中提煉出的, 膠料的日文叫樹脂即是RESIN, 膠樽通常是 用 PET料做的, 日文是PETボトル, 啡色回收桶是它的歸宿 :



(5) 塑膠是"プラスチック" 種類繁多, 膠袋反而少用. 當然要放入啡色桶.

PE：ポリエチレン、PP：ポリプロピレン、PS：ポリスチレン、PET：ポリエチレンテレフタレート（ペット）、PA：ポリアミド（ナイロン）、PC：ポリカーボネート、EVOH：エチレンビニルアルコール、PVC：ポリ塩化ビニル（塩ビ）
大家以後用完日本貨可以留意下包裝容器, 再把它分類回收, 為環保出分力啦.
其實為何日本人用得最多包裝然後再做大量的回收工作?
這個不難解釋. 日本人喜歡把產品包裝得美崙美奐才賣給客人, 這是面子問題. 但是日本又是個資源貧乏的國家, 如果不進行資源回收, 很快就沒有資源了.
相關文章 :
辰野的垃圾收集及管理(3)
辰野的垃圾收集及管理(2)
辰野的垃圾收集及管理(1)

辰野的垃圾收集及管理(3)

寫了兩篇"辰野垃圾", 大家會唔會覺得我對垃圾特別有興趣. 是否有特殊嗜好.^^
其實在未去日本前, 從各種途徑的認知, 日本給我最好的印象是乾淨, 整潔, 無垃圾. 初時到日本的確想了解其中的原因及實際的情況.

走在辰野的街上. 的確係見不到垃圾桶. 在鄉村的小路, 走在田野的阡陌上是乾乾淨淨的. 清澈小河和溪流也沒有膠袋/油跡飄浮. 唯一既污點係有幾日在宿舍去工場的小路上見到幾張從鹹書撕落的紙頁隨風飄揚. 這可能係個別既變態人士作為. 一般人都可能習慣把垃圾帶返屋企倒. 我通常帶個背囊, 有垃圾就塞入背囊帶返去. 食煙既日本同事就鍾意帶個可携式煙灰缸. 煙頭,煙灰都係可能帶返屋企. 當然在節日祭時一定會見到街上有垃圾.節日祭無垃圾係唔好玩既. ^^

低層的掃街工作可能無人願意做或者係低層工作的人力資源短缺, 所以在街上看不到掃街清潔工人. 不放置垃圾桶可能是當地政府的刻意安排. 這樣的話就唔使請清潔工人同垃圾車司機通街倒垃圾, 唔使長時間留垃圾在街上, 造成臭味及細菌滋生問題.

辰野的垃圾收集及管理(2)

在宿舍住時, 最奇怪係未見過垃圾車來收垃圾. 垃圾房亦無臭味. 係香港未見過無臭味既垃圾房.^^

有日清早5,6點睡不著, 於是去睇睇垃圾房. 垃圾房面積大概有15呎 x10呎. 以鐵絲網作圍牆, 有鐵皮上蓋, 係鎖住既. 即係指定時間外唔可以倒垃圾. 9 成係廢紙, 雜誌最多, 報紙, 漫畫, 書仔... 其次係飲品罐同膠樽, 其他垃圾就真係好少. 見唔到廚餘,唔知收去那裡? 這就係唔臭既原因.^^ 這可能同居住者有關. 住宿舍既 9成9單身, 最鍾意睇雜誌飲汽水.


工場內, 同事的寫字台會掛一個好細既垃圾桶. 扁扁窄窄A5 size 一兩吋厚. 唔知可以裝到多少垃圾?

內部文件使用環保紙反面再用. 飯堂有飲水機免費提供綠茶同熱湯(即是熱水), 使用紙杯裝, 旁邊有圓管裝回收的用過紙杯, 所以不要拿錯, 拿錯就食人口水尾.^^ 希望回收既紙杯唔係洗過再用. :p

箕輪町的 "澤16組" 垃圾站叫 " ごみ收集ステーシヨン" : 垃圾收集station, 下面係個牌, 牌上有管理者個名 : 分為 可燃, 不燃, 粗大, 資源(廢紙類)同資源(飲品罐), 廢紙同金屬罐都係珍貴既資源!

下面有instruction sheet 教你如何分類 :

當然有倒垃圾規則要你嚴守 :

例如 :
(1) 非指定收集日唔倒得. 只可在指定收集日8點前倒垃圾, 收集日前唔倒得.
(2) 使用指定垃圾袋.
(3) 垃圾袋要寫名.
(4) 非"澤16組" 人唔准倒.
(5) 只限家居垃圾, 唔准倒業務垃圾.

下篇再續...辰野的垃圾收集及管理(3)

辰野的垃圾收集及管理(1)

最近睇新聞, 見到PK超市之前突然推行的減少使用膠袋的環保行動. 其實, 我都好讚賞這個POLICY. 但係好可惜只推行了幾日就胎死腹中. 今日睇報紙新聞講它巳被取消了. 原因是被人批評質疑買膠袋的錢捐去邊? 又質疑派發所謂可降解膠袋同普通膠袋無分別. 超市怕影響形象. 個人覺得, 這樣反而給人留下不良印象, 這間公司係出爾反爾, 無沒有認真去推動環保, 眼中只有公司利益, 環保行動只係博出位既宣傳技倆.

我覺得環保是一個珍惜物品的社會價值觀, 是要物盡其用, 才能減少廢棄物. 在一個資源充裕的環境下係要好長時間去改變人的觀念. 唔係推一兩個POLICY出來就變環保啦. 反觀日本的社會價值觀是非常適宜推動環保.

垃圾日文叫 ごみ(GOMI). 在辰野時, 要購買垃圾袋使用, 其實是購買垃圾處理費. 多垃圾就付出多點. 幾多錢一個袋就忘記了. ^^ 如果有舊同事看到, 請留言. 垃圾再分類為金屬, 紙木, 可分解/不可分解類. 使用不同的垃圾袋裝載.方便recycle及處理(可能係焚燒). 我初時經常分錯. 每個袋子上還有空格填寫姓名. 可能用來追蹤來源和分析你的垃圾內容同數量. ^^ 不過我好像從未填過. 反而垃圾袋唔夠用時, 半夜偷偷地拿垃圾去食堂倒. ^^ 因為食堂有個比人倒食物溲水的大袋(可分解類).

宿舍垃圾房在地下側邊, 通常鎖著, 沒有傳出臭味. 下面是箕輪町的垃圾站 :

下篇再續... 辰野的垃圾收集及管理(2)