星期一至五, 朝早起床去洗面所洗面刷牙. 我住的房間朝東, 夏天清晨未到五點巳天光了. 窗簾比較透光, 自己識起身. 起左身就無法再入睡了.
然後去飯堂食早餐. 早餐是西式的,有煎蛋,牛奶,面包,多士...,做好 一份份自己拿. 食完自動自覺在 記錄咭tick一tick. 當然唔好食兩份, tick 一份啦. 如果要OT或出街食飯, 就一定要記得搽左當晚晚餐個格. 如果唔係, 第二朝你張咭無TICK 又多左份晚餐. 阿嬸會煮少一份給你. :p如果係夏天, 食完早餐, 返房換工衣/工褲. 跟著收拾行裝行路去廠返工.
返到廠係 8點半到office, 喇叭自然定時播音樂叫你做早操. 然後開早會...
tea break 有"Q起" 15分鐘給日本人煲下煙. 中午12點半去廠飯堂食飯. 月頭買張五千丹儲值咭, 逐次扣, 唔夠錢可以在增值機自助增值. 日式/西式任揀, 有平有貴, 3百幾丹去到700丹都有. 自覺排隊. 如果食飯, 飯堂只會裝半碗米飯給你. 唔夠自己添. 以免浪費.
有 "西人"光顧才有西餐. 原來辰野工場請了大批的巴西回流日本人.
日本人都好注重牙齒保健. 食完午餐, 有些日本人會走去廁所刷牙. 有些回到office 小睡片刻. 日本人很重視環保, office會在lunch hour熄燈.
下午3點3又有tea break. 那幫"煙剷"當然不會放過煲煙機會, 一齊圍住個"米缸"煲煙. 我就走去自動販賣機用儲值咭買罐飲品.
5點半收工. 收工要開返個會安排明天的計劃, 如果做晒工作就行路回宿舍.在飯堂食晚餐. 通常一個餸, 係凍既. 面豉湯同白飯(係熱既)任裝. 綠茶無限量供應. 食完殘渣倒落藍色膠桶, 筷子放入紅色膠盤, 碗碟放入中間既圓面盤. 當然要tick 食左一餐. 最後沖涼, 睇電視, 睡覺...
下篇再續... 辰野 Tatsuno (4) 2002年的房間 
沒有留言:
發佈留言