生活小部品1- AL8

AL-8是什麼東西? ^^

我還保留 1 部以前舊同事送既計算器. 它就係 CASIO AL-8 :

計算器叫でんたく, 漢字係"電卓". 初次接觸 "電卓"這個詞覺得好特別, 它的全名係"電子式桌上計數機", 縮寫就變成"電桌"再把桌的"木"字兩撇再簡化去掉就成為"電卓" , 意味著計數機是(卓)越的(電)子產品.^^

CASIO由1946年至今, 開發出來的計數機型號可能係全世界最多的. 以前OLYMPUS既辰野工場如果有多餘的PRODUCTION CAP時會替CASIO BOND IC.

AL-8是CASIO在1976年出廠的 8數位機, 又係使用NEC IC, 所以NEC在日本一哥地位真係穩如泰山. 用兩粒1.5V筆芯電, 個SIZE握在手里剛剛好. 用 VFD顯示, 黑暗中清晰易見, 有別於現在的LCD顯示. 它最大優點係耐用,又唔會受溫度影響.

有分數, 開方, sd 功能都唔少 :
由出廠到現在巳有32年, 還可以正常使用. 對比現在的電子產品來講是太長壽了. 不知道當時開發工程師希望這個計數機可以用幾多年? 他可能沒有想到現在消費電子產品使用壽命真係短得誇張. 一玩膩了即刻換新款. 產品既設計壽命都係一兩年貨色. 然後馬上有新技術推出. 到產品成熟時舊技術巳經淘汰了. 保用期有一/兩年, 一過保用期就會經常壞. 想不買新款都不可以. 所以推廣環保有時係阻礙科技發展.

相關文章 : 生活小部品2-採耳勺

東京廸士尼海洋票劵的啟示

東京廸士尼海洋(東京ディズニーシー, disney sea)是在2001年9月4日開幕. 我在翌年趁熱鬧去捧它的場, 稍後同大家分享. ^^

揀9月開幕, 暑假巳過了一大半, 沒有趕得及暑假的那批人流, 策略上是慢了點. 這可能是日本人的"吹毛求疵"心態引致阻滯.

廸士尼票門劵通常印刷精美, 很會吸引遊人收藏, 因此我都保留一張做記念. 當年的 成人 1day pass 是 5500円, 現在的 1day pass 係5800円, 6年只係加了 5.5% , 每年不到 1%, 意味著日本的物價非常平穩, 加價都不敢向遊客"開刀". 不過對比現時香港 Disneyland 的$350(約4787円), 值得安慰的係香港的票價還是有點競爭力. ^^

票劵呎吋與香港的一模一樣,背面有條磁帶用來記錄數據, 磁帶的位置亦一樣. 因此兩地可使用相同的TICKETING MACHINE. 如果有朋友知道用什麼牌子/型號的, 煩請留下言. ^^

使用過的票劵打一個小孔, 這過程叫剪票. 昔日香港或內地乘車都會有售票員剪票. 這剪票是中日兩個民族之間的共同行為, 感覺親切, 值得保留. 好可惜現在大陸/香港很多驗票處都懶得用打孔機, 用手撕破算數. ><

票劵的背面磁帶下方有一條極為精細的防偽英文印字, 字體SIZE約為 0.2mm X0.15mm, 大寫字母是連續的 "TOKYO DISNEY RESORT". 我手上沒有連鏡頭顯微鏡, 以Espon 1200dpi 解像度 scan出來的效果蠻清楚的 :

這意味著東京Disneyland的偽造票劵還是不少的. 另外, 日本人是非常鍾意微型文化, 這可能深受中國的影響, 中國自古巳有米雕, 米雕還是用人手雕刻的, 難度更高.

上網找到資料顯示現在東京Disney Sea已經成為全世界最多遊客、以及最受歡迎的廸士尼主題樂園之一，在2004年間估計有1,220萬名遊客遊覽. 東京disney land則是 1983年開放, 巳有廿幾年歷史. 反觀香港個Ddisney樂園跟風巳跟得太遲了. 人們巳玩膩了傳統的Disney再加上將來要面對"上海Disney Land" 的競爭, 前景係十分暗淡的. Disney既 海洋及陸地都巳經有了. 獨欠天空. 香港何妨考慮建立 Disyney Sky - 廸士尼天空樂園. ^^

參考網站 :

http://www.tokyodisneyresort.co.jp/tdr/chinese/plan/ticket/index.html

http://zh.wikipedia.org/wiki/�京迪士尼海洋

http://park.hongkongdisneyland.com/hkdl/zh_HK/ticketsAndReservations/overview?name=OneDayTicketPage

相關文章 :

Disney產品 , 遊東京廸士尼海洋(1) , 遊東京廸士尼海洋(2), 遊東京廸士尼海洋(3)

喫茶店飲cafe

"喫" 字就是吃, 有喫茶-喫茶店提供咖啡為主, 應該叫"喫咖啡店"更貼切.^^

喫煙- "喫煙所"係供食煙人士專用的房間, 喫酒-自然是去酒吧.^^

這"喫"字在古時中國比較常用, 連中文聖經的和合本也用"喫"表示食. 現在中文少用"喫"字, 反而在日本經常看到."喫茶"除了飲茶外, 還有吃固體食物的含意,係有得咬及有得飲既. 另外, 潮州人既"飲茶"都叫"吃茶".

辰野有好多喫茶店, 但係日本同事並不是經常光顧, 他們鍾意去自動販賣機按罐或杯咖啡出來只作提神用.

日文中"喫茶店"(ki ssa ten) 就是 cafe shop.飲咖啡就如品嚐美酒一樣. 仔細地品嚐才能體會到它的香淳及細膩. 日本人都好鍾意飲咖啡. 除左欣賞咖啡本身既味道, 更想享受cafe shop既環境及氣氛. 去日本不妨到喫茶店去體驗下日本的咖啡文化.

店員 : いらつしやいませ/何名樣て"すか?

i ra sshi ma se / nan mei sama de su ka?

(歡迎光臨, 請問幾多位?)

steve: 2 人 て"す

futa ri de su.

(兩位)



店員 : おタハ"コは?

o ta ba ko wa?

(吸煙嗎?)

steve : いいえ.

i i e.

(不)



店員: て"は/こちらへ/と"うそ".

de wa/ko chi ra e/ do -zo.

(那麼, 請到這邊來)

何に/ なさいますか?

nani ni/na sa i ma su ka

(請問想點些什麼呢?)



steve: コ一ヒ一 2 つ /と / チ一ス"ケ一キ を/ 2 つ お願いしますね.

ko-hi-futa tsu/ to / chi - zu ke- ki wo/ o futa tsu te su ne.

(請給我 兩杯咖啡和兩件芝士餅啦)

店員 : ホツトコ一ヒ一/お 2 つ /と / チ一ス"ケ一キ を/お 2 つ て"すね.

hotsuto ko-hi/ o futa tsu/ to/chi -zu ke-ki wo/ o futa tsu te su ne.

(是兩杯熱咖啡和兩件芝士餅呢)

かしこまりました

ka shi ko ma ri ma su ta

(遵命)

下面是網上字典的解釋 :
http://www.zdic.net/


康熙字典 :
【丑集上】【口字部】 喫

【唐 韻】【正韻】苦擊切【集韻】【韻會】喆歷切，𠀤音燩。【說文】食也。【玉篇】啖，喫也。【杜甫·絕句】梅熟許同朱老喫。　又【正韻】飲也。【杜甫·送李 校書詩】對酒不能喫。　【廣韻】同𡁒。【集韻】或作𡁒噭。【正韻】亦作毄。　又【集韻】口賣切，音𡢖。喫詬，力諍。　又口戒切，音烗。義同。


說交解字 :
【卷二】【口部】喫

食也。从口契聲。苦擊切

雪地駕駛體驗-雪上電單車

雪上電單車SNOW MOBILE一點都不似電單車, 反而似部ATV四驅車多些. DEREK帶我們去租車公司SNOW MOBILE LAND SAPPORO體驗這駕駛樂趣. 租車無需識抯車,唔使有車牌. 租車套餐包一個短課程教你如何駕駛, 一頂頭盔(實物與相片可能不同.^^) 同 1個鐘頭駕駛時間. 駕駛時有2個教車師傅(coach) 抯車前後照應. 去到指定地方可以停下拍照.

Snow Mobile Land雪地車係YAMAHA車, 有 250CC及500CC兩種引擎容積. 500CC大車供師傅抯既, 亦都可以借給學員影相. ^^ 250CC細車供學員玩既.

雪地車前後兩座位, 後座可以坐一個乘客, 有車尾籃裝雜貨,頭盔. 車分為前後兩部分, 後面係動力既源頭,有好幾對車輪帶動履帶, 履帶上佈滿防滑凸牙. 履帶與路面接觸面積比較普通橡膠車胎大得多, 所以好少打滑. 轉彎就全靠車頭那對雪橇, 雪橇指向邊度, 架車就轉去邊度. 所以雪橇有好靚既避震去增加與路面接觸. 以前我一直以為履帶車係全靠兩邊獨立履帶既分別轉動/停止黎控制轉彎. 可能重型既雪地車無前面雪橇. 如果有朋友生活在北方有駕駛這類重型雪地車既經驗, 煩請指教. ^^

架500CC大車個咪表最高可以去到時速180公里, 日本車咪表應該信得過.好難想像在冰天雪山既環境中以180公里速度飛車, 個感覺係如何呢? 引擎轉數最高去到一萬RPM, 這些DATA 顯示引擎都係用普通電單車既街車引擎. 懶得上網搵, 如果有朋友知道, 煩請留言.

ODO METER係9521 公里, 係架新車. ^^ 如果剩係有雪既日子抯既話, 每年抯6 個月. 每星期抯5天, 每天抯50公里. 可能係年幾既新車.

TRIP METER 行到 780公里都無RESET, 唔通 一缸油可以行780公里以上? 再睇真D, 右下角見到原來有油表既.

雪橇車係好難調頭既. 所以軚杆及雪橇上都有個手抽, 方便搬車用.^^ 入油既油缸蓋係車頭.

以下係STEVE既BR250試車報告 :^^

上完BRIEFING, 揀頂頭盔出去抯, 抯雪地車感覺上同抯ATV一樣, 四平八穩. 架車係自動波既, 扭油就去, 落BRAKE再縮油就停. 唔使平衡力. 老婆坐後面, 兩人一架車, 重心係後面. 一個師傅帶頭, 一個師傅押後 然後一架跟一架排條車龍出去. 唔准扒頭. 以龜速5 ~30公里行車.^^

感覺上轉彎時堂軚比較重, 可能同避震硬有關, 無咩離心力. 初時沿住條槽行, 兩邊都堆高雪壆管住對雪橇, 所以其實只要比油唔使扭軚, 架車自己識轉彎. ^^ 上到斜坡路面變闊開揚, 可以供自由發揮. 上斜時加速力扭力比普通電單車稍差. 引擎聲顯示應該係 4沖單氣缸. 再去到一個山谷停下影相...

後記 :

SNOW MOBILE LAND, 好多職員係年青既鬼妹/鬼仔, 兼職多, 可能個老細係鬼佬. 以英文教你點抯. 這是那次旅行在北海道見到最多鬼佬地方了. ^^

網站連結 :

http://www.snowmobilelandsapporo.com/website/index.html

TEL.. 011-661-5355
FAX. 011-666-0877

地址 :

Snowmobile Land Sapporo
Bankei bashi Soba
Fukui478, Nishi-ku, Sapporo 063-0012

日本的偽鈔

在北海道油站販賣店見到提防偽鈔既通告 :
假幣係一萬円紙幣編號為 : VJ838046M, ZY853618T, QY436254 及 QV700608C. 聽講印刷精美, 極難分辨. 好可能係北韓既作品.

在日本付鈔買東西時, 很少見到店員拿著大面額鈔票驗屍咁驗. 這點對比大陸的偽鈔泛濫到人人自危程度, 的確值得深思, 到底係日本人老實些? 日本人把這些臭事蓋得很緊密,還是日本民間的"造假技術" 不太高明? ^^

各位經常去日本既朋友, 當收到萬円札時, 記得小心一點, 地球上沒有 "天下無賊"既國度. ^^

前一陣子, 日本發行了新紙幣, 採用世界上最勁既防偽技術去解決偽鈔問題. 聽講仲可以促進經濟增長0.1%. ^^ 發多了鈔, 市場既銀根鬆了, 大家消費多了, 再加上要付出資源去改裝市場上現有的各種自動販賣機, ATM提款機, 車站自動售票機, 印銀紙既紙張VENDOR又賺一筆. 不過消費係永遠站在環保既對立面既. 這也許係日本環保文化既另一個矛盾.

時空錯配既層雲峽遊

除了札幌雪祭外, 層雲峽還有冰瀑祭. 晚上扺達層雲峽, Derek 首先帶隊去看冰瀑. 燈光下各種奇形怪狀冰瀑賦予你無窮既想像空間, 所以冰瀑要晚上睇才有感覺.^^

夜宿大雪酒店, 第二天朝早的戶外溫度係零下10度. 這係我所體驗的最低天然環境溫度. 下圖小弟手指既溫度計係SATO佐滕出品.以前在OLYMPUS 廠內最常見既溫度計牌子. 日本亦係以攝氏度作為溫度單位.

層雲峽既最終行程係去大雪山國立公園參觀流星瀑布. 有失望既感覺, 瀑布應該係有落差, 氣勢磅礡.聽得到又睇得到, 係流動既水. 順著DEREK所指方向, 眼前所見既冰瀑係一塊白色既大冰塊再加四圍零星雪跡. 我相信在夏天水源充足氣侯溫暖時再來參觀, 一定有另一番美好既感覺.

札幌雪祭(2)

第56回札幌雪祭係展示以各地冰雕隊既作品. 係我首次參觀的大型戶外冰雕. 之前在香港看的係室內既細細件酒店作品多. ^^

今年第59回札幌雪祭將於 2月 5號(星期二)至2 月11號(星期一)舉行, 上次雪祭都很巧合地安排在農曆新年期間進行, 這次是 年廿九至大年初五, 有興趣既朋友必須揀新年旺季去.

下面係舉辦機構網站既連結 :

http://www.snowfes.com/english/index.html

第 59回日程 :

開会式　 2月5日 18:30～　南4西4ロビンソン札幌店前
氷の女王撮影会　2月5日 19:30～　ロビンソン札幌店前スタート
氷彫刻コンクール　2月5日 14:30～翌日10:30,

2月6日 11:00～表彰式　ロビンソン札幌店前
氷像人気コンテスト(会期中)
閉会式　2月11日 21:45～　メイン氷像前

夜晚開始, 夜晚結束, 讓旅客首天落機後, 先休息下, 晚上在燈光的影照下突顯冰雕的晶瑩.^^

大型冰雕預備工夫多, 創作時間長, 如果想先睹為快, 可以上台灣博客<哈日杏子>既網站看看. ^^

56回的作品1-----晶瑩剔透的日本城 :

札幌啤酒與另一個56回作品的巧妙結合 :

鳴謝 :

さっぽろ雪まつり実行委員会

電話 011-211-2376，3341

札幌雪祭(1)-北方領土返還要求署名運動

第56回札幌雪祭人頭湧湧, 非常熱鬧. 再次看到熟悉的中文標語 :
"北方領土返還要求署名運動"
亦聽到右翼人士的宣傳車播放的領土歸還要求.
北方領土距離北海道最近, 就在北海道的北面, 日本人對北方領土懷有深厚的感情. 特別係北海道經常有領土歸還要求活動舉行. 使用中文書寫當然係想吸引看懂中文的人士, 既係想爭取華人或華語圈的支持. 相信很多香港人支持日本人對北方領土歸還的要求. 將心比己, 日本人係唔係應該支持保釣人士或其他華人對釣魚台領土歸還的要求?


下面的北方四島資料出處是"新華網" :


北方四島即擇捉、色丹、齒舞、國後，自古就有日本人居住生活。19世紀初，俄國通過戰爭和一係列不平等條約佔領包括北方四島在內的千島群島。1855年，俄日兩國簽訂了《下田條約》，又將四島還給日本。
1945年8月，美國在廣島、長崎先後投下原子彈。美英為了請蘇聯對日宣戰，將當時日本所佔的千島群島和庫頁島的南半部讓給了蘇聯。這使得蘇聯有理由在第二次世界大戰結束後佔據北方四島。
1955年，蘇、日開始進行“關係正常化”的談判，蘇聯做了讓步，表示願意讓出齒舞、色丹，日本立刻得寸進尺，要求蘇聯一並讓出擇捉、國後，並要蘇聯承諾參加國際“和平會議”，決定庫頁島和整個千島群島的歸屬，談判于是破裂。
1956年，蘇聯重申願意讓出齒舞、色丹，但日本認為“不可接受”，除非千島南四島一並“交還”。
長期以來，受北方四島問題的困擾，日俄關係未見突破性進展，以致在第二次世界大戰已經結束50多年後的今天，兩國仍未簽訂和平條約實現雙邊關係完全正常化。(章田/雅龍)
資料2：北方四島
北方四島指俄羅斯堪察加半島與日本北海道間的國後、擇捉、齒舞、色丹四個島嶼。俄羅斯稱其為南千島群島，總面積4996平方公里。
北方四島資源豐富，大陸架煤氣資源儲量約16億噸，黃金儲量約1867噸，銀9284噸，鈦397萬噸，鐵2.73億噸，硫1.17億噸。此外，擇捉島還盛產比黃金還貴重的錸，儲量高達36噸。齒舞和色丹島雖小，但附近大陸架盛產海產品，年產量約80萬噸。據統計，4島及大陸架總資源價值達458億美元。此外，俄軍還在色丹島上建有軍事基地，具有重要的戰略軍事意義。

北海道網走的流冰天使

網走除了有破冰船外, 還有天都山鄂霍次克流冰館提供豐富的網走附近海域資料. 館中有部份地方溫度設為零下15度, 讓遊客體驗寒冷既方法係每人派發一條濕毛巾, 再教我們在空中揮舞十餘秒, 當動作停止後, 整塊毛巾凍成一支"雪條"一樣硬.^^ 另一樣展品係"流冰天使", 上圖係小弟拙作, 對焦不準又限制使用閃光燈, 所以張相不太清晰. 但係捕捉到一隻小天使跟隨著老天使一起游水的情景. ^^

在網上得到的資料是"流冰天使"叫クリオネ Clione的浮游生物, 生長在寒冷的北海道知床半島海域. 如天使般生有一對翅膀. 據聞傳說中流冰天使係北極女神, 她游至溫暖的北海道後, 被北海道的優美環境所吸引, 停留下來. 後來雙翼漸被溫暖的海水溶化而無法離開, 最後變成水妖, 經常唱歌迷惑漁夫. 這反映日本人性格中矛盾. 墜落的天使就係魔鬼, 天堂與地獄只有一線之差.

去天都山途中看到一個印象非常深刻的路牌指向"網走監獄博物館", 可惜Derek無帶我們去參觀. 在網上找到一些有關資料 :

http://www.kangoku.jp/hantai/index.htm

博物館既前身叫"釧路監獄署, 網走外役所"用來記念昔日日本罪犯對北海道的貢獻. 古時中國既罪犯判刑後刺青再流放去邊疆, 而日本的類似做法係在北海道建立監獄去收容他們. 北海道原來是由罪犯們開拓出來的. 北海道今天的繁華建基於往昔無數罪犯的勞役及犧牲上. 早期的北海道叫"蝦夷"係非常荒涼的地方. 日本政府開放國門後為了抗衡來自北面俄羅斯既威脅要急速拓展北海道, 利用罪犯去開拓, 成本低而工程中的人命傷亡不會引起社會既反對. 這點與澳洲的建立有點相似.

博物館 網走監獄

北海道網走市呼人1-1.

電話 +81-0152-45-2411

北海道網走的流冰

網走位於北海道既北部, 對著顎霍次克海, 係個沿海城市. 流冰在每年 1月下旬至3 月中旬出現. 流冰係浮在海面既浮冰, 在俄羅斯遠東地區既Amur River產生, 然後隨著水流橫跨顎霍次克海到網走沿岸. 原來Amur係一條幾長跨境河流, 一路通到大陸既黑龍江. 我有個奇想 , 如果在大陸黑龍江擺低隻膠鴨仔落江, 佢有可能一直飄到網走. 這個世界真係好細.^^

http://www2s.biglobe.ne.jp/~abashiri/seen/ryuhyo.html

個旅行團一路向北走, 到達網走. Derek帶我們去乘搭破冰船看流冰,上面係網走觀光協會既詳細介紹. 下面就係我們既破冰船. 船尾跟著一大群海鷗. 兜一大圈約2個鐘. 海鷗跟在破冰船後面係因為有得食. Derek上船前教我地買包蝦條餵海鷗, 原來海鷗係鍾意食蝦條既. ^^

道東觀光開發網站 :

http://www.ms-aurora.com/

知床ナチュラリスト協会

http://www.shinra.or.jp/

網走市観光協会
093-0046
北海道網走市新町２丁目２
TEL 0152-44-5849　FAX 0152-44-5844

食物的體驗 - 北海道(4)

北海道既啤酒及野生熊都係當地特產. 把兩種唔同既東西放在一起, 感覺好特別. 除了"熊出沒注意"啤酒, 還有水杯, 匙扣, 貼紙... 日本曾有大量既兇猛既野熊, 對人類安全構成威脅. 於是政府在熊出現黑點做 "熊出沒注意"警告牌. 時至今日, "熊出沒注意"不僅是四驅越野車既貼紙,還代表著北海道既形象, 隨著日本都市化演變, 各地野熊棲息地日漸減少, 自然少見到"熊出沒注意"警告牌. "熊出沒注意"意味著北海道仍然係嚮往野生環境, 愛好大自然者既樂土.

北海道夕張出產既密瓜(メロン)都係非常成功既產品, 網上又係可以搜尋到大量既介紹, 下面有些連結 :

http://www.kitanoichi.com/ja-yubari/ichiran.html

http://www.kitanoichi.com/ja-yubari/tabegoro.html

密瓜在日照充裕地區長得特別好. 中國新疆的哈密瓜也是陽光產品, 但是日本密瓜市價可以高達幾千至上萬円一個, 創造出價值比新疆哈密瓜高好多.

北海道食物篇先告一段落. 寫左差唔多3個月, 好期望有路過既網上朋友可以留下言, 補充下, 糾正下...^^

鳴謝 :

JA 夕張市農業協同組合/【販売運営管理】（株）北海道バーチャルコミュニティ

相關文章 : 食物的體驗 - 北海道(1)

食物的體驗 - 北海道(3)

在層雲峽時, 穿著酒店提供的和服, 品嚐 Derek 介紹既 "懷石料理". 我覺得這料理係整個行程中最好味, 食得最舒服既一餐. ^^

在札幌時食既石狩鍋, 三文魚應該係主角, 但這次三文魚既份量是少了些.



在北海道食旅行團餐, 不論早,中,晚餐大部份係以自助餐形式服務, 這種自助式料理所需既人手少, 食物都係早預備好的, 成本比較低. 如果要吃有特色既料理, 就要靠領隊介紹啦.

(屈斜路湖酒店的自助早餐價錢)

相關文章 : 食物的體驗 - 北海道(4)

食物的體驗 - 北海道(2)

跟團玩既好處係個導遊兼領隊會帶你去食當地特色料理. 這次的領隊叫 Derek, 他娶了一個日本老婆, 識講流利日文, 又幾風趣幽默. 他們既主要收入都係靠客人小費同商戶回佣. 他帶我們去食飯自然抽商戶既佣兼賺我們既錢, 不過如果價錢合理, 服務好又好食既都無問題既.

第一站係小樽既海鮮市場食長腳蟹, 應該係小樽一間叫"小樽海鮮市場"食店, 一睇幾個鮮紅色既中文字就知係專做遊客生意 :^^

這是第一次食長腳蟹,印象中香港也有急凍空運過來的貴價貨. 食法有兩種, 1 種係刺身, 另 1種係白灼. 不過感覺兩種食法都不及香港既3點花蟹,黃油蟹或大閘蟹鮮美嫩滑.

北海道既鮑魚都係著名既美食之一, 不過烹煮方法比較殘忍.><

把鮮活既連殼鮑魚放置在鐵網兜內, 鐵網兜再放在炭爐上燒, 不過唔係燒炭, 係燒蠟精(即係香港食肆放在座台爐內加熱既燃料). 食客就站在爐邊等. 看著隻鮑魚在自己既殼內 :拼命掙扎, 典黎典去, 捲曲變形, 發出香味, 熟透為止 :

味道係幾鮮美, 有海水咸味, 不過口感係比較堅韌, 沒有像燜煮那樣好食.

相關文章 : 食物的體驗 - 北海道(3)

食物的體驗 - 北海道(1)

北海道位處北半球既高緯度地區, 海產豐富, 夏天既日照時間特別長, 自然有利畜牧/農業發展. 鮮美食物特別多. 突然想寫幾篇北海道食物.

北海道夏天日照長, 草生長得好/快/多, 提供大量飼料給乳牛, 因此當地既乳品業及相關加工行業係幾發達既. 冬天既北海道氣侯寒冷, 夏天乾燥都有利於食物保存及運送.賞味日期都可以定長些. 雪櫃都可以省電些的.^^

前一排傳出改食用日期醜聞既<白い恋人>- shiroi koibito 加工場都係北海道景點之一.^^

時初接觸這品牌是誤聽為 "白痴戀人"朱古力. 以"白痴"形容失去理智既熱戀中人係蠻貼切的.^^

ishiya石屋制菓整個工場包裝成一個特別的朱古力樂園, 以"dream"夢工場作為主題, 開放給遊客參觀, 內面有得食有得玩,有得影相又有 COFFEE SHOP... 大量介紹它的網站可以在INTERNET搜尋得到, 不用多講了. 下面係石屋制菓網頁連接 :

http://www.shiroikoibito.ishiya.co.jp/

dream- "夢工場"工作袍

白之戀人給我最好印象係整潔的工場, 不過他們好像只開放包裝線給外人參觀 :

自動化既生產線, 只需要少量既操作工人, 減少了人為出錯, 也降低由人帶入不潔東西及病菌的機會. 地板有排水口, ASSY LINE 之間有充裕空間, 方便清潔工作. 當然操作員全是穿著工作袍的, 但從身形可以看得出都係女仔. 通常女仔比較愛潔,所以適宜在食物加工場工作. 可以開放參觀的, 盡是美好的一面.

鳴謝 :

石屋製菓株式会社札幌市西区宮の沢二条二丁目十一番三十六号

相關文章 : 食物的體驗 - 北海道(2)

雪的體驗 - 北海道(2)

今天係08年既第一日, 天氣 比前幾天凍, 有真正冬天既感覺. 最適合繼續寫北海道. ^^

純白色的雪鋪在小樽的街上, 蠻有詩意的. 但係各家自掃門前雪, 街道旁的店舖還是派人定時去把它鏟走, 再堆上路旁有5/6呎約 一個人高. 綿花似的白雪鏟走後, 裸露出深色既光禿禿路面及剩下一灘灘黃泥水. 有些大剎風景既感覺, 但保留積雪卻會對行駛車輛及行人構成不便.

<網走>著名既流冰天使竟然可以在小樽街上看到, 不過是雪做的. ^^

日本人鍾意精品, 他們也善於製造精品. 小樽既手工藝品幾出名既算係手作玻璃制品, 好多係當地著名既<北一硝子> kita ichi 出品. "硝子"係 "色彩斑斕"既玻璃. 下面有<北一硝子>既連結網站 :

http://www.kitaichiglass.co.jp/top.html

硝子最適合做燈罩, 讓光線去突顯它的美麗. 我看到一隻枱燈賣2625丹約港紙百幾二百, 都算唔平.

下面係一些擺賣手作品, 竪起個牌不准摸, 眼看手勿動 :